Ek muskuraahat....

Ek muskuraahat.......

Kya hoti hai yeh ek muskuraahat...

Kisi ke aane se kaise aa jaati hai yeh ek muskuraahat..
kisi yaadon ko dil mein rakhe hue kyun bikhar jaati hai yeh ek muskuraahat..

Jaane kaun se raaz chipaaye rehti hai yeh ek muskuraahat...
Na jaane kitne gum dabaaye rehti hai yeh ek muskuraahat...

saare dard apne sang le jaati hai yeh ek muskuraahat..
sab ko khushi mein dubaa jaati hai yeh ek muskuraahat...

kabhi totli bhaasha mein muskuraati hui aati hai yeh ek muskuraahat...
kabhi ek  dusre ko chedhte hue dil mein bas jaate hai yeh ek  muskuraahat...
aur kabhi zindagi ki dhup mein kuch pal chawn ke de jaati hai yeh ek muskuraahat...

Kisi sawal ka jawab ban jaati hai yeh ek muskuraahat...
Kisi dost ke naam pe dikh jaati hai yeh ek muskuraahat...

Pardon mein chipi hui si hasi ko ek roop de jaati hai yeh ek muskuraahat....
sagar ki lehron ke aane ka andesha bhi to de jaati hai yeh ek muskuraahat....

Ek nanhi si kali ka khwaab hoti hai yeh ek muskuraahat...
Ek bejaan insaan ki jaan hoti hai yeh ek muskuraahat..

Kabhi baarish ki halki boondon to kabhi sardiyon ki dhup ban kar aati hai yeh ek muskuraahat...
Kabhi sapna ban kar to kabhi apna ban kar sab kuch keh jaati hai yeh ek muskuraahat...

Surkh hooton par dulhan si saji hui lagti hai yeh ek muskuraahat...
ek dabi hui si hasi ko payaam de jaati hai yeh ek muskuraahat...

Kaale panne pe safed kiran si lagti hai yeh ek muskuraahat..
Andheron ko mitta kar ujala de jaati hai yeh ek muskuraahat...

Khudha ki rehmat ban kar aati hai yeh ek muskuraahat...
Dil ki gheraaiyon se nikal kar bikhar jaati hai yeh ek muskuraahat....

Dua karte hain hum tum sadaa muskuraate rahe..
kyunki hamari zindagi hai tumhari yeh ek muskuraahat...