Cham chamaati bijli ke saath,baadlon ko cheerte hue.. yeh boondein jab chehre par padti hai...
ek ajeeb sa ehsaas,ek ajeeb sa sukun de jaati hai aur phir man karta hai us jagah jaane ka.. jahan bas ho pyaar ka mausam.
Yeh man behka hua chalta hai un raahon par.. jo kisi ne naa dekhi ho ..... kisi ne naa suni ho.
Ek dor ki talaas mein firta hua.. manzilon ko dhundhta hua.. chal padta hai yeh man.
yeh baarish hi to hai jo.. humse hamara gum churaa le jaati hai...
bin bole hi.. sab kuch keh jaati hai.. .
Bheege hue se hum kho jaate hai aur phir ek aandhi aati hai jo humein jagaa jaati hai.
In aansuon ka sahara bhi to yeh baarish banti hai...
In tanhaiyon ka kinaara bhi to yeh baarish banti hai...
Ruk si jaati hai yeh duniya us waqt, jab tum aati ho...
dil ki gharaiyon mein pahunchkar... saare dard le jaati ho.
aaj phir se aai ho tum mere aagan mein...mujh se kuch lene aur dene..
par kya dun main tumhe o baarish .. "muskuraat koi aur le gya.. aansu tum le jao "
