Yaadon ke panne...

Kyun aaj yaadon ke panne palat rhi hun main...
Kaun shaksh chupaa hai inmein...
Kaun ek raaz liye hue baitha hai inmein...
Aaj waqt bas chale jaa rha hai aur apne mein hi simat rahi hun main....

Kyun aaj yaadon ke panne palat rhi hun main...
Kya tha jo nhi mila tha..
Kya nhi hai jisko dil dhundh rha hai...
Aaj har tasveer mujh se sawal kar rhi hai aur unke jawab soch rhi hun main...

Kyun aaj yaadon ke panne palat rhi hun main...
Us shaam ka nazara abhi bhi aankhon mein basa hai..
Woh chehra puraana ab bhi dikhai deta hai...
Aaj shaam dhalne ko hai aur ret ki tarah fisal rhi hun main..

Kyun aaj yaadon ke panne palat rhi hun main...
Baat karne ka koi bahaana nhi hota tha..
Saath chalne ke liye sir jhukaana nhi hota tha..
Aaj kal chal to rhi hai zindagi aur akeli sirf khadi hun main..