Naya Saal

Happy New Year

Naya Saal : Bahut kuch kehta hai humse yeh naya saal, nayi umeeden,naya utsaah leke aataa hai yeh naya saal. Kuch baatein yaad dilata hai to kuch bhulaa jaataa hai yeh naya saal. Kabhi kabhi hum sochte hain ki kaash waqt yunhi thahar jaataa, tham jaataa par aisa ho jaata to kahan se yeh khushiyan de paayegaa naya saal.

So Guys, you may be thinking that why i am writing in hindi,But i feel that expressions or feelings can be best explained through our mother tongue.I know that today we live in a globalized world but our culture will grow more in our language. So we should proud to talk in hindi to spread our social values.

Aaj ek saal ki shuruwaat hui, ek naya safar aarambh hua,phir se wohi tyohar,wohi din aayenge,kuch naye saathi milenge to kuch kho jaayenge.Yeh waqt yunhi humein bahut kuch de jaayegaa jise hum sambhaal bhi nhi paayenge.

Naya aakaash lagega,naya sawera jagega,sab kuch pehle jaisa hi hogaa bas alag hoga to woh hogaa hamara nazaria dekhne ka, mehsoos karne ka ,sochne ka aur bolne ka. Cheezein or insaan wohi rehte hai par humari soch din bar din badal deti hai unke maayene hamari zindagi mein.

Din aur raat bhi wohi honge par unse judi yaadein badal jaayengi.Kuch naye log milenge to kuch purano ke saath mehfil jamaayi jaayegi. Sab kuch wohi hogaa par bahut alag ho jaayega yeh naya saal.

Kuch sapne pure honge to kuch bikhar jaayebge lekin woh laut kar jaroor aayenge ek nayi aasha liye, ek nayi umang liye aur ek nayi taazgi liye.

Jaata hai jo waqt woh kabhi laut ta nhi par jo pal hum usmein khushi se bitaa dein woh anmol ho jaate hai. Aao sab milkar yeh koshish kare ki jo pal hum puraane saal mein nhi ji paayein woh yeh naya saal hamare liye lekar aaye, jo khushi hum nhi baath paaye usse jyada hum dusro ko de sakein, ek muskaan sabke chehron par laa sakein, ek sapna sabka puraa kar sakein, ek pyaar ka ehsaas sabke dilon mein jagaa sakein. Tabhi hamara yeh naya saal safal hoga, tabhi hum apne aas pass manavta faila paayenge aur ek acchi zindagi ji paayenge.

"Naya Saal Mubaarak ho"